Gildir þetta þá líka um mæður sem fara í forræðismál?

Það mætti nú í kjölfarið á þessari reglugerð athuga betur þegar um gjafsóknir í forræðismálum er að ræða.

Í forræðismálum getur móðirin farið í mál við barnsfaðirinn og krafist forræðis yfir barni og fengið það án þess að þurfa að hafa nokkrar áhyggjur á að þurfa að borga eitt eða neitt í málskostnað en faðirinn þarf oftast að borga hundruð þúsunda fyrir dóm sem er fyrirfram ákveðinn eins og dómskerfið er því forræðismál falla í 96% tilfella móðir í hag.

Þetta veldur því að mæður fara með forræðismál hugsanalaust fyrir dóm því þær hafa allt að vinna en faðirinn hefur öllu að tapa.

Þetta vita þær og lögfræðingar ráðleggja þeim að fara með málin fyrir dóm frekar en að semja.

Faðirinn missir forræðið og hundruð þúsunda út í buskann ef hann vill reyna að fá einhverja sanngirni sem er ekki til í forræðismálum hér á landi fyrir dómstólum.

Það er ekki kallað sanngirni þegar annar aðilinn er með unnið mál í 96% tilfella en faðirinn verður að svara og koma með sín andmæli því ef hann kemur ekki með neinar kröfur þá getur móðirin farið fram á margfalt meðlag og nánast það sem hún vill því það er sjálfkrafa samþykkt af dómi og eftir þessari "sanngirni"á faðirinn auðvitað að fara og vera ánægður með risa reikning og umgengni aðra hverja helgi.

Hvorki meira né minna en aðra hverja helgi sem feður fá ef dómur ákveður .Váááá....4 daga í mánuði.

Þykir fólki þetta vera sanngjant ????

Í mínu tilfelli þegar móðir fór í forræðismál þá stefndi hún mér fyrir dóm þegar ég var erlendis, allir vissu það ásamt hennar lögfræðingi sem er þekkt fyrir óþverrahátt og óheiðarlegar aðferðir í forræðismálum en það var einmitt stílað á þessa tímasetningu viljandi.

Lögfræðingurinn birti stefnuna í lögbirtingablaðinu fyrst svo ég myndi nú ekki frétta af málinu því það lesa engir lögbirtingablaðið nú orðið svo það er skotheld aðferð til að láta þetta fara framhjá föðurnum sem er stefnt svo hann hreyfi ekki andmælum og viti helst ekki af málinu fyrr en það er afstaðið.

Svo átti að demba þessu án minnar vitundar fyrir dóm og fara fram á margfalt meðlag og hinar ýmsu kröfur sem voru alveg út úr kúnni en hefðu allar náðst fram ef ég hefði ekki 2 dögum fyrir dómshald fengið símtal frá erlendum leigjanda mínu sem sagði að það hefði einhver maður með pappíra dinglað bjöllu sem vitlaus væri á íbúðinni hjá mér og sagst vera með einhverja stefnu sem leigjandi vissi ekki einu sinn hvað væri.

En eftir nánari athugun var ég það heppinn að geta símleiðis náð í lögfræðing sem gat komið fyrir dóminn og farið fram á frest þar til að ég kæmi heim en reikningarnir sem komu á mig í kjölfarið á þessu máli skiptu hundruðum þúsunda þó móðirin þyrfti ekki að borga krónu með gati.

Þó móðirin væri með meiri tekjur en ég á á þessum tímapunkti þá slapp hún við að borga krónu í málskostnað en farið fram á það frá hennar lögfræðingi að ég borgi allan hennar málskostnað .

Held að það liggi í augum uppi að þessar reglur um gjafsókn sem er bara fyrir annan aðilann eru alveg út í hött og óþolandi að mæður geti bókstaflega komið feðrum á kaldann klakann með hundruð þúsunda eða miljóna reikningum fyrir forræðismál sem eru fyrirfram ákveðin í kerfinu,mæðrunum í hag.

Mæðrum er dæmt forræðið í 96% tilvika jafnvél þó þær séu í óreglu og þessháttar þá þarf að vera svo mikið að hjá móðir til þess að forræðismál fari á hinn veginn og ekkert sem breytir þeim fyrirfram ákveðna dómi nema að móðir sé kannski ofbeldisfullur stórglæpamaður,eiturlyfjaneitandi eða því verra.Jafnvel það er ekki nægileg ástæða.

Hvernig væri að mæður tækju líka ábyrgð á þeim kostnaði sem þær stofna til í forræðismálum svo þær æði ekki í að stefna feðrum út um allan bæ, sjálfar öruggar um gjafsókn eða að barnsfaðirinn borgi þeirra kostnað.

Alltof oft þá gera mæðurnar þetta líka án nokkurra ástæðu varðandi börnin eða vegna umhyggju í sambandi við börnin,heldur til að hafa völdin öll í sínum höndum án þess að barnsfaðirinn geti skipt sér að nokkru,og

Sumar vita mjög vél að þetta kemur til með að skaða fjárhag sinna fyrrverandi og hlakkar í þeim að þær sleppa við að borga brúsann því ríkið borgar þeirra kostnað sem gjafsókn og þær hafa engu að tapa.

Myndu þær ekki oftar hugsa sig um og fara jafnvél aðrar skynsamari leiðir ef þær þyrftu að borga málskostnaðinn jafnt og feðurnir og reyna að fara sáttarleiðina oftar?

NEI !!! mæðrunum þykir þetta miklu þægilegra að fara dómstólaleiðina því mæður eru með unnið mál þar og þurfa ekki að beygja sig undir neina samninga og gjafsókn auðfengin fyrir mæðurnar.

Það eru ekki samningar þegar annar ræður reglunum eftir sínu höfði. Svipar til þeirra valda sem einræðisherrar hafa í hinum spillta heimi og er gróflega misnotað þeim sjálfum í hag.

Jafnrétti í þessum gjafsóknarmálum og jafnrétti í umgengni viðbörnin okkar takk fyrir.

Börn eiga einfaldlega rétt á að umgangast foreldra sína og þekkja báða foreldra jafnmikið. það er ekki einkaréttur mæðra að hafa börnin sín þó þær séu bitrar út í feðurna og vilji nota börnin sem vopn til að brjóta niður feður og takmarka umgengni við örfáa daga í mánuði.

En ef þeim sýnist svo þá komst þær svo sem upp með að blokkera umgengni feðra svo mánuðum eða árum skiptir því það er ekki neinum viðurlögum beitt í þessum málum.

Öfugt við mörg önnur lönd T.D.Frakklandi þar sem það getur varðað löngu fangelsi að blokkera umgengni á fullgildrar ástæðu sem dómari er látinn meta.Þetta er einfaldlega  metið sem hvert annað ofbeldi og tekið á því á sama veg.Enda er þetta ekkert annað en ofbeldi þar sem barnið er vopnið.

Það þarf að setja samskonar reglur og öll önnur Norðurlönd hafa þar sem hægt er að dæma sameiginlega forsjá. það minnkar deilustigið á milli foreldra því deilurnar byrja oftast þegar annað foreldrið fer offörum í stjórnseminni og hunsar algerlega álit hins foreldris.

Hugsið út í það hversu gamlar reglur eru í sambandi við forræðismál hérna á landi , þær hafa ekki verið endurskoðaðar í áratugi þó þjóðfélagið og kröfur varðandi börnin okkar hafi breyst ótrúlega mikið með tímanum og breyttu þjóðfélags munstri.

Feður vilja yfir höfuð vera meira með börnin en okkar feður gerðu þar sem feðurnir unnu endalaust úti og komu heim bara til að borða og horfa á fréttirnar og svo beint að sofa án þess jafnvel að tala við börnin á heimilinu. það var verk móðurinnar.

Það þarf ekki snilling til að sjá að það þarf að breyta miklu í þessum málefnum strax!!!

Frumvarp Daggar Pálsdóttur er stórt skref til að koma þessum málefnum til nútímans eins og nágranna lönd okkar hafa þróað þetta og lært af reynslunni af milljónum forræðismála.

Við búum en þá í moldarkofum í þessu málefni og þetta umhverfi er óásættanlegt í nútíma þjóðfélagi.

 

 

 

 

 

 

 

Þrengt að réttinum til gjafsóknar