Ekki minnkar þá okrið í millilandaflugi ef SAS kemur í spilið.

Ég hef nú ferðast mikið í gegnum síðustu árin með hinum ýmsu flugfélögum og það er áberandi hvað Íslensku Flugfélögin hafa staðið sig vel í að hækka prísana rækilega og það er orðið vonlaust að fá flug með stuttum fyrirvara til t.d. köben nema fyrir 40-50 þúsund kall.

Allavega borgaði ég 53 þúsund nýlega til Köben og mig sveið gersamlega í rassgatið því svona prísar eru nauðgun á verðlagi að mínu mati .

Svo á SAS sem er enn eitt okur fyrirtækið að koma í samstarf, Guð sé oss næstur, Maður endar með að þurfa að vinna mánuðum saman til að geta kroppað saman í þá okurtaxta sem koma til með að birtast næst þegar maður bókar sig út með þeim.

Nú vanntar nýtt flugfélag til að brjóta upp þessa einokun sem er orðin á markaðinum, alveg eins og þegar iceland express kom inn á markaðinn fyrst, þá var allt í einu hægt að dömpa niður verðunum og það rækilega.

En sá draumur er úti því þetta er allt komið undir sama hattinn, hinn stærri kaupir á einhvern veg hinn aðilann upp og þannig hverfur samkeppnin.

Óþolandi að þurfa að láta taka sig svona í þurt kakóið án Vaselíns ef maður ætlar að fara í ferðalag sem er ekki lengra en til köben.

Maður er ekki að kaupa flugvélina, bara að sitja í henni í 2-3 tíma.

Fyrr má nú aldeilis fyrrvera.við önsummussumessuekki.

Icelandair í viðræðum við SAS um samstarf í fluginu

Athugasemdir

[Loftur (IP-tala skráð) 15.12.2007 kl. 14:02]

Get nú ekki séð hvernig hægt er að tala um okur á fargjaldamarkaðinum í dag, miðað við hvað var að gerast áður en Iceland Express kom inn. Flaug mikið fyrir 7-8 árum síðan til Kaupmannahafnar, þá var ódýrasta fargjaldið á um 50.000 kr. Núna er maður að fljúga fyrir þetta 30.000-40.000 kr. Að raunvirði hafa fargjöld lækkað um 40-50%, það er á hreinu.

Þú ert greinilega í gamla tímanum. Í dag er ódýrast að kaupa farmiða með miklum fyrirvara, svo hækkar verðið eftir því sem nær dregur brottför. Flugleiðir höfðu þetta á hinn veginn, seldu á algjöru okurverði með löngum fyirrvara, aðeins minna okrað á einhverjum hoppfargjöldum (voru sjaldan mörg sæti í boði).

 Er ekki viss um að fleiri flugfélög myndu gera betur. Var ekki British Airways að hætta flugi? SAS hefur nú ekki veirð að bjóða einhverja ofurdíla á sínum fargjöldum. Held að þetta verð 30-40 þús fyrir miða til london/kaupmannahöfn að jafnaði sé ágætt verð. Menn geta kannski miðað við aðrar flugleiðir erlendis og fundið ódýrari fargjöld, en menn verða að taka með í reikninginn að millilandaflugið er að niðurgreiða innanlandsflugið. Ríkið er að okra á sköttum og gjöldum í flugstöðinni í Keflavík. Væri líklega hægt að lækka þetta eitthvað ef Reykjavíkurflugvöllur yrði lagður niður og ríkið færi einu sinni að reyna að spara hjá sér. þá væri kannski hægt að ná einhverjum betri prísum.

[flugan (IP-tala skráð) 16.12.2007 kl. 09:28]

Það er svo merkilegt hvað fólk er tilætlunarsamt varðandi verð á flugmiðum, finnst að miðinn eigi einfaldlega að kosta eitthvað ákveðið, helst lítið þar sem þetta ættu að vera "mannréttindi" að ferðast til útlanda.

Flugvélar eru dýr tæki (þróunarvinna, efniskostnaður, byggingartímar) og einhver þarf að borga framleiðandanum fyrir smíðina. => Flugfélag borgar framleiðenda með peningum

Peningar kosta peninga. Ef einstaklingur/fyrirtæki geymir peningana sína í banka, þá fær viðkomandi vexti (innlánsvextir) frá bankanum. Bankinn notar hinsvegar þessa sömu peninga til að lána þeim vill framkvæma meira heldur en hann hefur reiðufé til þessa peninga, þó gegn gjaldi (útlánsvextir). Mismuninn notar bankinn til að fjármagna þjónustuna sem boðið er upp á og laun starfsmanna.

Aftur til flugfélagsins. Flugfélagið sem keypti flugvélarnar er búið að leggja peninga í kaup á flugvélunum, þarf að greiða af þeim vexti til eigenda peninganna, það þarf einnig að greiða laun til starfsmanna sinna, plús annan tilheyrandi kostnað vegna reksturs félagsins.

Það þarf að kaupa olíu á flugvélarnar, sinna viðhaldi og viðgerðum, borga þjónustuaðilum, plús skatta vegna flugvalla.

Allt þetta tekur á engan þátt tillit til þess að það skuli búa 300.000 manns á Íslandi og því gætu alveg eins átt 300.000.000 milljónir, líkt og á meginlandi Evrópu. Upphæðin er því stór og tiltölulega lítið markaðssvæði sem eru til þess að borga brúsann.

Að það skuli yfir höfuð vera rekstrargrundvöllur fyrir tvö flugfélög og að þau skuli geta boðið þau verð sem eru í gangi núna er kraftaverki líkast.

Hvað komast margir í eina flugvél, 180 manns? Hvað kostar að fljúga milli áfangastaða, án þess að tekið sé tillit til ofangreindra rekstrar og fjármagnstekjuþátta?

Hversu margar flugvélar á ári fara með fáa farþega, vegna þess að félagið hefur ákveðið að tryggja brottfarir sínar? Minnkar rekstrarkostnaðurinn við flugið eitthvað við það að fáir fljúga með? Minnkar kostnaðurinn við fjárfestinguna og laun starfsmanna eitthvað við það að fáir fljúga með? HVAÐ HALDIÐI AÐ FÓLK SEGÐI EF FLUG YRÐI FELLT NIÐUR VEGNA LÉLEGRAR SÖLU? Það yrði einfaldlega allt brjálað og fóllk væri fullt af réttlætiskennd yfir að komast ekki í skírn frænda síns í útlöndum, eða fund með samstarfsaðilum. Já, og í frí.

Hver borgar mismuninn? Einhver verður að gera það. Flugfélagið þarf að standa undir sér, ekki er hægt að fara í vasa skattgreiðanda og sækja mismuninn. Hversu margar fullar vélar þarf til að borga fyrir eina vél með 10 farþegum?

Auðvitað væri langeinfaldast að fljúga bara á arðbærustu áfangastaðina og sleppa þeim áhættumeiri, enda margar afætur sem hugsa sér slíkt , sbr British Airways, en eru síðan ekki með rekstrarumhverfi til að standa undir slíkum rekstri (fjármagns-, launa og rekstrarkostnaður fyrir Íslenskar aðstæður).

Bæði flugfélögin eiga hrós skilið. Ef verðið hjá þeim væri of hátt, myndu færri aðilar ferðast (eða samkeppnisaðilar koma inn á markaðinn sbr IcelandExpress gegn Icelandair á sínum tíma), ef það væri of lágt, þá færu þau fljótt á hausinn.

Flugverðið er því rétt, spurningin er hinsvegar hvort fólk hafi raunverulega efni á að ferðast svona mikið til útlanda og eigi ekki frekar að njóta umhverfisins á Íslandi, sem svo margir útlendingar borga morðfjár fyrir að gera? Grasið er kannski grænna hinum megin, en mosinn í hrauninu á Íslandi er alveg einstakur.

[Sigrún (IP-tala skráð) 16.12.2007 kl. 12:49]

Ég verð nú bara að segja að ekki þykir mér þú fylgjast mikið með hvaða flugfélög eru að fljúga til Íslands ef þú veist ekki að SAS er nú þegar og er búið að vera með flug til Íslands, á eigin vegum, ekki í samstarfi við Icelandair síðustu árin. Og það sem meira er, að mér hefur amk ekki tekist að finna ódýrara flug milli Noregs og Íslands en einmitt með SAS.

Það sem Icelandair er að segja er að þeir vilja fá gamla samstarfið til baka .... eins og það var áður en Icelandair sleit samstarfinu og SAS fór í beina samkeppni við þá með Noregsflugið. En ég verð að segja að ég óttast það ef SAS gengur að þessu samstarfi aftur, því eftir að samstarfið hætti á sínum tíma hefur maður getað fengið flugmiða á manneskjulegu verði, en ég er hrædd um að það verði búið ef samstarfið verður að veruleika. Svo ég vona að bæði félög fljúgi áfram milli Islands og Noregs...sitt í hvoru lagi.

[riddarinn (IP-tala skráð) 17.12.2007 kl. 00:50]

já mikill fjandinn hvað þið eruð málefnalegir í þessu og ekki nein níska í ummælum sem er alveg frábært.

Já vissulega skil ég að sumu leiti og veit í hverju þessi kostnaður er svona hár en þetta er svolítill vítahringur sem virðist seint ætla að brotna sökum smæðar markaðsins og ég held að þeir noti þetta líka sem skjól til þess að halda öllu háu.

En þetta er auðvitað fyrirtæki sem heimtar gróða því hluthafar verða að uppskera laun fyrir það fjármagn sem er bundið og þeir vilja gróða , þetta gamla en sígilda MONNY MONNY MONNY

Og að SAS fari í einhverja góðmennsku er fjarri mér að hugsa og það sem ég þekki til SAS er sæmilega vandað en að sama skapi dýrt félag og þekkt sem dýrt sem hefur líka kostað þá töluvert þegar í endann er litið að hafa þessa Ímynd.

Svona óleysanlegur hnútur.

MJÖG MARGIR VILJA FERÐAST ÓDÝRT og er nokk sama um hvort það er bara einkvað slarktært farartæki eða klassi.Sjálfur rak ég Bakpoka Gististað erlendis Í Asíu og talaði mikið við mína gesti hvaðan af í heiminum , um ferðamál og sumt var þetta fólk búið að ferðast árum saman.

Þetta er ágætur skóli fyrir mann, í því að sjá hvernig fólk hugsar um heiminn.En harðir túristar hugsa stundum öðruvísi eftir reynsluna.

---------------------------------  

En tvær hliðar á því líka því stundum dregur það dýr viðskipti að sér því nóg er af peningum og þykir snobb að vera hjá dýra dótinu, Ríkir sækja ríka heim.Líkur sækir líkan heim. Fólk borgar fyrir aðeins betri og traustari þjónustu. Meiri peningar útúr minna af fólki.Núna er það meira fyrir marga sem hafa orðið ráð á að ferðast dýrt.

Eins og með fiskinn, nú fá þeir kannski álíka mikið fyrir allt þetta fullunna dót eins og þeir fengu fyrir mikið meira magn áður.

Æ djö... maður er kominn út fyrir efnið.

Góð comment hjá ykkur þarna.