Yfirfull Jarðkringla

27.1.2009 | 13:03

Er allt þetta óskapa vandræðaástand í heiminum þar sem fólk sveltur tug milljónum sama ekki merki þess að það séu alltof margir saman komnir á þessari jarðkringlu?

Ég hef ferðast nokkrum sinnum til Kína og Indlands og fleiri mannmargra þjóða og séð þvílíkur óragrúi af fólki fyllir allar borgir og stræti , mesti parturinn er líklega öreygar sem ekki sjá fyrri næsta dag hvernig á að fæða og klæða sig og sína.

Ég hef margoft orðið fyrir því á Indlandi og fleiri stöðum að vera spurður hvort ég vilji eiga börn mæðra sem búa á götunni og eiga í engin hús að vernda og berjast fyrir því hvern einasta dag að fá smá hrísgrjón eða mjólkurdropa fyrir ungabörnin sem þau eiga.

Segja einfaldlega að þær vilji barninu betra líf, það bíði þess ekkert nema örbyrgð í þessum heimshluta ef þau komist þá á annað borð upp úr barnæskunni.

Þetta getur ekki endað nema á einn veg,með því að allt fer til Helvítis og mannkynið útrýmir sjálfu sér og það verður líklega mun fyrr en okkur grunar.

Á hundrað árum þá hefur mannfjöldinn á jarðarkringlunni farið úr 1.5 milljarði í 6 milljarða sem er 6 milljón milljónir og það er tala sem ég get ekki reiknað en veit að það er of stórt fyrir minn síma að reikna út.

Það sér það líklega hver einasti maður að það þarf mikið að gerast til að allt hrynji ekki til grunna og fólk annað hvort drepst úr sulti og vatnsleysi eða kafnar í eigin skít og úrgangi og náttúruharmförum sem verður af mengunarinnar völdum í heiminum.

Ef sami hlutfallslegi hraðinn verður í fólksfjölgun næstu 100 árin þá mun mannfjöldinn vera orðinn 24 milljarðar árið 2100.

Ég vill helst ekki hugsa til enda hvernig lífið mun vera þegar barnabörnin alast upp.

Held að það hljóti að liggja í augum uppi að mannkynið mun útrýma sjálfu sér með glæsibrag fyrir rest og það á ör stuttum tíma.

Mannskepnan hefur sjaldan kunnað sér hóf í nokkrum hlut en það hefur allt sín þolmörk eins og sést vel á því sem gerist í heiminum í dag á mörgum sviðum.

Allt ein hringavitsleysa frá upphafi til enda.