Hann hefur kannski verið búinn að fá sig fullsaddan af einhverju

Það er kannski ekki skrítið þó menn missi stjórn á skapi sínu fyrir rest þegar allt er komið í vonleysi og á niðurleið.

Það gefur auga leið að margir af þeim sem þurfa að leita á náðir félagsþjónustunnar eru illa statt fólk eða fólk sem á við einhverja erfiðleika að stríða og kannski hefur viðkomandi ekki fengið neina úrlausn á sínum málum og gersamlega misst sig vegna ástandsins.

Það er allavega ekkert gefið upp í svona fréttum hver ástæðan hafi verið og bara ein hlið málsins birt en sjaldan veldur einn þegar 2 deila.

Stundum fá menn bara nóg af öllu kjaftæðinu sem er í kerfinu, skriffinnskunni og málþófinu og að þurfa að ganga endalaust á milli manna án nokkurrar lausnar.

Hvað haldið þið að marga hafi langað til að gera það sama T.D. hjá Tryggingastofnun þegar fólk þarf að standa í þrasi út af einhverjum bjánalegum og óréttlátum reglum sem vantar alla skynsemi í og liggur í augum uppi að þær hafa ekki verið endurskoðaðar síðustu 3 áratugi.

Lítið bara á smánar ölmusuna sem aldraðir og öryrkjar hafa. Ég myndi brjálast í þeirra sporum og því ekki að sparka upp hurðum og gera allt vitlaust þegar maður er búinn að fá nóg af svona óskynsemi.

Það vita allir að þeir sem minna mega sín geta ekki lifað mannsæmandi lífi á þessum smáaurum en yfirleitt allir snúa baki í þetta málefni nema hún Jóhanna Sig.

 

 

 

 

Réðst inn á skrifstofu Félagsþjónustunnar í Hafnarfirði