Kviknaði ekki bara í debet korti vegna okursins þarna.

Það kæmi mér ekki á óvart miðað við okrið sem viðgengst þarna að það hafi brunnið yfir á Debet korti viðskiptavinar

Man að síðast þegar ég fór þarna að fá mér að borða og pantaði steikt hrísgrjón með eggi þá kostuðu herlegheitin 950 krónur og skammturinn var svo lítill að það lá við að ég kæmi svangari út en ég hafði komið í byrjun.

Ég hef nú aldrei verið þekkt matargat né feitur og ekki heldur þekktur fyrir að hesthúsa miklu magni af matvælum en þetta þótti mér heldur naumt í askinn látið og sagði nú við stúlkuna á kassanum þegar kom að því að borga fyrir að ég væri nú ekki að kaupa staðinn sjálfan heldur væri ég að kaupa örlítinn skammt af hrísgrjónum sem dygði ekki fyrir grannann mann sem magafylli

Ég myndi skilja þetta ef hrísgrjón væru dýrt hráefni en samskonar mat en þó mun stærri verslaði ég á 60-100 krónur þar sem ég bjó úti svo þarna leið mér eins og verið væri að ræna mig í björtu.

En ég versla líka héðan í frá á öðrum svipuðum stöðum þar sem ég fæ miklu meira fyrir peningana og ca. þrefalt stærri skammt eins og ég fæ á Tælenskum veitingarstað sem er í Engihjalla.

Læt ekki taka mig aftur svona í r******* ósmurt 

 

Búið að slökkva eld á Nings

Athugasemdir

[corvus corax, 6.2.2008 kl. 14:01]

Akkúrat, það er orðið yfir þetta OKUR! Þetta er nefnilega málið, hér er okrað á öllu. Maður kaupir pizzu á Dominos sem er líklega mesta okurbúlla landsins eða jafnvel heimsins ef út í það er farið og borgar yfir tvöþúsundkall fyrir skitna hveitikringlu með tómatmauki og osti sem dugar varla handa einum. Þetta er hreinn þjófnaður! Einhver náungi var kærður fyrir fjársvik af því að hann keyrði oft í gegnum okurgöngin í Hvalfirði, því þá ekki að kæra þessa ruslfæðisstaði fyrir fjársvik. Það þarf að koma aftur á verðlagseftirliti og leyfilegu hámarksverði í nánast hverjum einstökum vöruflokki. Og svo á núna að sekta Haga eða Bónus eða hvað það nú heitir fyrir að hafa selt mjólkurlítrann á 1 krónu í verðstríðinu blessaða hérna um árið af því að það er ólöglegt að láta kúnnann græða. Sama er með glæpafélagið fyrir norðan sem kærir viðskiptavini fyrir að hafa trúað því að bankaliðið væri svo heimskt að það seldi gjaldeyrinn á lægra gengi en keypt var á og kalla það tölvuvillu. Hvað kemur það málinu við? Á ekki tölvufyrirtækið að borga tap bankans af því að villan/gallinn var þeim að kenna? Að sjálfsögðu! Kúnnarnir gerðu ekkert annað en að taka boði bankans um þessi arðsömu viðskipti en það er refsivert á Íslandi ef viðskiptavinir græða. Bara glæpalýðurinn má græða.

[Hemmi (IP-tala skráð) 6.2.2008 kl. 14:01]

jamm ætli það séi ekki rétt hjá þér með að það kviknaði í kortinu... hvenar ætli kvikni í fleirri kortum vegna okurs xD

[B Ewing, 6.2.2008 kl. 14:14]

Krummi, er ekki réttara að fólk sjái sjálft um verðlagseftirlitið í stað þess að standa og borga hvaða verð sem er fyrir hvað sem er ?  Held að það þurfi ekkert verðlagseftirlit eða hámarksverð.  Ef fólk er virkilega nógu vitlaust að borga 1000 kall fyrir samloku eða 2500 kall fyrir pizzu þá er ekkert miðlægt apparat sem á á "bjarga því" frá eigin heimsku.  Það er réttur hvers neytanda að sætta sig ekki við verðlagið og kaupa ekki hlutinn sem okrað er á.

Líttu bara til hinna Norðurlandana.  Þar eru neytendur sífellt á varðbergi.  Hér hinsvegar nennir fólk ekki að rexa og kvarta.  Það er aðalhlutverk hvers meðvitaðs neytanda að kvarta og kvarta hátt og skýrt.

[agnar (IP-tala skráð) 6.2.2008 kl. 14:17]

þú verslar greinilega ekki mikið á nings ég versla talsvert mikið þar ,þetta er bara langt frá því að vera dýrt það eru allir núðluréttirnir þarna mjög ódýrir t.d. er einn réttur nr 68 sem kostar bara 550 sem eru hrísgrjónanúðlur með kjúkling og með því fylgir frekar stór skammtur af grjónum.

í hádeginu fær maður stóran skammt af kjötréttum á um 1100 kall.

og ég get alveg svarið fyrir það að þetta er ódýrari staður en staðurinn í engihjalla ég hef prufað hann , sem er alveg ágætur matur en nings er miki ferskari og kostar minna.

Þú talar svona eins og þú sért á 6 bjór ,talar bara án þess að hugsa og flestir sjá að þú ert að fara með rangt mál nema auðvitað vímaði hausinn á þér

[Sunna (IP-tala skráð) 6.2.2008 kl. 14:43]

Já það er örugglega við stúlkuna á kassanum að sakast v/ verðsins. 

Um að gera að láta í sér heyra þegar maður er óánægður og þá við t.d. rekstrarstjóra. Skilaboðin komast betur til skila þannig og þú kemst hjá því að tuða í starfsmanni sem kemur á engan hátt nálægt verðlagningu staðarins.

[Promotor Fidei, 6.2.2008 kl. 21:56]

Varðandi athugasemd Krumma:

Verðlagið er auðvitað fáránlegt á Íslandi, en það er ekki vegna skorts á ríkiseftirliti og verðlagseftirliti, heldur vegna skorts á samkeppni og frelsi á markaði.

Það þarf að fjarlægja þær hömlur sem eru á innflutningi matvæla til landsins, og myndi það strax hafa mikil áhrif á verðlagið. Einnig þarf að skera rækilega af þeim sköttum sem lagðir eru á veitingar, og ætti þá ástandið að skána enn frekar.

Restin kemur svo væntanlega eftir lon og don, þegar Íslendingar, verandi þeir nýríku smáborgarar sem þeir eru, taka út smá þroska á peningaviti og hætta að láta bjóða sér hvað sem er í verðlagningu.

Í útlöndum fara fyrirtæki með svimandi hátt verðlag á hausinn því enginn verslar hjá þeim. Á íslandi þykir það á meðan alveg rosalega hallærislegt að gera veður úr háu verðlagi, og flottheit að líta ekki á kortastrimilinn áður en maður kvittar undir.

Varðandi það að tuða í afgreiðslufólki: Í vel reknum fyrirtækjum kæmi afgreiðslufólk á samviskusamlega framfæri við yfirmenn og eigendur öllum kvörtunum viðskiptavina. Í íslenskum fyrirtækjum er hins vegar lítið um slíkt, og iðulega einhverjir unglingaræflar á kassanum, sem gæti ekki verið meira sama. Til að koma kvörtunum til skila er því best að hafa samband beint við yfirstjórnina, ýmist í eigin persónu eða með tölvupósti. -Allt annað er tímasóun.

Svo má það fljóta með að ég versla ekkert við Nings, enda hef ég ferðast víða og þekki góðan kínamat frá lélegum (en ég veit ekki um nokkurn stað á Íslandi sem selur *góðan* kínamat). Þá er verðið hjá þeim alveg stórfenglegt, og stenst engan samanburð við annan skyndibita hvort heldur er í verði , magni eða gæðum. Síðast þegar ég verslaði á Nings fann ég allstórt hár í matnum mínum, og mega þeir þó eiga það að kvörtunin var vel höndluð, og fékk ég í sárabætur inneign sem dugði fyrir ágætum kvöldverði.

[Riddarinn , 6.2.2008 kl. 23:04]

Já agnar nr 4, þakka þér fallegar athugasemdir.Gott að það eru til fallega hugsandi og skynsamir einstaklingar sem mæla af mikilli lyst og vita hvað þeir eru að segja.

Þú ert eflaust mikill persónuleiki og skemmtilegur ertu sko örugglega og ekki hefði ég sjens í þær gáfur sem þú berð, liggur í augum uppi að þarna er snillingur á ferð.

Koss og knús fyrir línunar þínar fallegu

[=) (IP-tala skráð) 7.2.2008 kl. 12:21]

Móðir mín er rekstrarstjórinn á þessum stað, þér er velkomið að tala við hana um verðið.
Það sem ég held að þú áttir þig ekki alveg á að hvert sem þú ferð, ertu að borga fyrir meira en þú færð. Svona er fjárhagurinn á Íslandi.

Því lofa ég þér, að Nings slær verðið niður eins mikið og mögulega hægt er til að halda staðnum gangandi.

Ef þetta er svona hræðilegt þá mæli ég með því að þú kaupir þér bara 1 - mín núðlur.( Þær kosta eitthvað um 40 krónur, eru alveg ágætar;)..)

Verði þér að góðu