Tjá sig ekki um fjárfestingastefnu?Hver á eiginlega þessa peninga?

Þetta er alveg ótrúlegur andskoti !Að lífeyrissjóðir tjái sig ekki um fjárfestingastefnu sem sjóðirnir hafa.

Hver á eiginlega þá peninga sem verið er að nota?

Það er verið að fjárfesta fyrir milljarða á milljarði ofan og það virðist engum koma það við hvað er gert við þessa peninga sem VIÐ almúginn eigum að lifa á þegar að efri árum kemur.

Það má sóa þessum peningum í himinhá laun þeirra sem sjá um að henda þessu um alla trissur í hvaða bull sem er án þess að bera nokkra ábyrgð á einu eða neinu.

Það hefur að vísu orðið gífurleg ávöxtun á þessum peningum síðasta áratuginn, ef ég man rétt þá er ávöxtunin 19 föld að meðaltali á einhverjum x árum en stórfurðulegt að það hækkar ekki lífeyrir heldur virðast þeir smá aurar sem við eigum að lifa á í ellinni frekar minnka en hækka.

En ekki lækka launin hjá þessum háu herrum sem stjórna sjóðunum og ekki þurfa þeir sömu að lifa á nenni ölmussu í sinni elli.Mokað undir þá hvort sem hlutirnir hafa gengið vel eða ekki.

Svo þykir mér alltaf jafn furðulegt að menn sem eru með yfir milljón á mánuði hjá verkalýðs félögunum skuli eiga að sjá um að semja um laun sem þeir þekkja varla hvernig á að lifa á.

Það á að fá fólk sem þekkir hvernig er að lifa á þessum smánar launum sem taxtar eru til að semja um sitt lifibrauð, þá myndu hjólin fara að snúast hraðar og eitthvað gerast af viti.

Eins dýrt og það er orðið að lifa hérna á Íslandi þá duga engar 100-200 þúsund á mánuði til að lifa sómasamlegu lífi, ekki í nösina á ketti.

Þetta sjá flestir sem eitthvað vilja sjá á annað borð.

 

Með um 3% hlut í FL Group