Lögreglan í jólaskapi....hefndin er sæt...

Strákurinn fór yfir á rauðu....hann hefur bara haldið að þetta væri jólaljós

Löggan hefur heldur betur verið í stuði í hefndargírnum og þessi brotamaður heppinn að fá ekki á baukinn fyrir að vera ekki löggunni að skapi, eflaust bara legið svona ljómandi vel á löggunni þennan daginn fyrir jólin og jóla andinn við völd.

Ég veit samt ekki til þess að mikið sé verið að sekta fyrir sóðaskap þó að menn séu að henda rusli á götur bæjarins sem sést kannski best á öllu ruslinu og glerbrotunum í miðbænum um hverja helgi, það mætti alveg gera meira af því mín vegna sérstaklega þegar fólk er að brjóta og bramla gler og leggja annað fólk í hættu.

Svo er alveg ærin ástæða til að grípa í (hland)taumana þegar fólk er mígandi í innskot og á dyr og allstaðar sem það sem því dettur í hug þá stundina gestum og gangandi til einstakrar "ánægju".

Alveg yndislegar þessar hefnigjörnu löggur sem eru með hefndarglampa og sektarblaðið að vopni.....

 

Fékk sekt fyrir að henda skýrslunni

Athugasemdir

[Ingi Þór Jónsson, 17.12.2013 kl. 09:12]

ef hverju ertu að tala um hefnd?

sé ekkert í þessari frétt sem ætti að benda til þess.

frekar mikil ekkifrétt í gangi.

[Gunnar (IP-tala skráð) 17.12.2013 kl. 09:51]

Alveg eru þetta dæmigerð skrif! Um leið og lögreglan sektar einhvern fyrir að henda rusli (sem fólki virðist orðið sjálfsagður hlutur) þá rís einhver "riddarinn" upp á afturlappirnar og vill að lögreglan sekti fyrir "eitthvað annað", og kallar það "hefnd" að hún skuli sekta drenginn fyrir að henda blaðinu frá sér eins og hverju öðru rusli. Þú segist vera faðir tveggja sona. Ég vona svo sannarlega að þetta sé ekki andinn sem þú elur þá upp í. Annað vil ég benda þér á: Þú segir hér til hliðar að þér finnist reglur og landslög oft "á" tíðum vera úr takti við raunveruleikann sem landsmenn búa við. Ef það er raunveruleikinn sem landsmenn búa við að henda frá sér rusli hvar og hvenær sem er, finnst þér þá að rétt sé að afnema reglur og viðurlög við slíku vegna þess að reglurnar og viðurlögin séu "úr takti"?

Heldurðu að ekki sé nær -og affarasælla - að landsmenn móti sinn raunveruleika eftir gildandi lögum og reglum? Hugsaðu dálítið um það um leið og þú elur upp þessa tvo drengi, sem ég efast ekki um að séu indælir, eins og þú lýsir. 

[Eiríkur (IP-tala skráð) 17.12.2013 kl. 10:32]

Ég held að Riddarinn ætti að detta í smá knights and knaves æfingar til að skerpa á rökhugsuninni.

Aðili A getur ekki _hefnt_ sín á aðila B þegar B hefur ekkert gert aðila A.

Geri annars ekki ráð fyrir að Riddarinn svari hérna í bráð þar sem ruslpóstvörnin er honum sjálfsagt ofviða

[Axel Jóhann Hallgrímsson, 17.12.2013 kl. 12:11]

...og ef lögreglan hefði látið það óátalið að hann fleygði rusli við hlið lögreglubílsins, hefðir þú þá skrifað um þessar dæmigerðu löggur, sem nenntu ekki að vinna vinnuna sína o.s.f.v.?

Ætla má af ergelsinu í þér að þú sért einn af svokölluðum góðkunningjum lögreglunnar. 

[Þorsteinn (IP-tala skráð) 17.12.2013 kl. 12:34]

Sennilega nokkrir enn í lögreglu sem ekki ætti að vera þar, æsingamenn og aðrir sperrileggir.

[Riddarinn , 17.12.2013 kl. 12:44]

Ha ha það er bráð gaman að sjá hvernig hvín í möstrum hjá sumum :)

[Þorsteinn (IP-tala skráð) 17.12.2013 kl. 12:58]

Valdstjórnin í vígahug

Voðalega gaman.

..........................

..................,,,,...,

Hér vantar seinnipart

[Pétur D. (IP-tala skráð) 17.12.2013 kl. 13:51]

1. Ef hann verður sektaður fyrir að henda rusli, er þá hægt að líta á lögregluskýrsluna sem rusl?

.

2. Margir eru sóðar, en sveitafélögin bera líka ábyrgð á að rusli verði ekki fleygt á göturnar. Það eru allt of fáar ruslafötur á almannafæri. Ástandið er einna verst í Garðabæ. Varðandi glerbrot á götum, gangstígum og bílastæðum, þá er það afleiðing þess, að enginn er látinn vera ábyrgur fyrir því að halda þessum svæðum þrifalegum. Og engum reglugerðum er fylgt eftir. Þess vegna er höfuðborgarsvæðið eins og svínastía.

.

3. Sem sjálfskipuð réttritunarlögga vil ég benda þér á, Riddari, að það er bara eitt g í "hugnast", það er ekki i í "þegja" og það er y í "beygja". Ég ætla samt ekki að sekta þig fyrir þessar yfirsjónir.

.

4. Varðandi ökuníðinga sem nota bíl sem morðvopn á einfaldlega að taka úr umferð með því að fara brezku leiðina. Fyrir alvarleg umferðarbrot eða ítrekuð brot, þá er ekki bara sektað, heldur er bíllinn einfaldlega dreginn burt með kranabíl og síðan settur samstundis í bílapressuna. Málið dautt.

[Hvumpinn, 17.12.2013 kl. 15:01]

Svona drengfífl eiga allt skilið sem yfir þá kemur.  Sumum þarf að kenna að hegða sér, mættu gjarna vera ákveðnari aðferðir við þá hluti hér.

[Gummi (IP-tala skráð) 17.12.2013 kl. 17:27]

Ekki z í bresku.....þú verður sektaður

[Pétur D. (IP-tala skráð) 17.12.2013 kl. 19:11]

Gummi: Víst er z í brezku. Þar sem t, d eða ð heyrist ekki á undan s, á að skrifa z. Bret+skur = brezkur.

Ég og nokkur hundruð aðrir bloggarar kunna z-regluna og höfum alls ekki afnumið hana eins og heimskir menntamálaráðherrar og duglausir embættismenn gerðu upp úr 1974. Þannig aðfarir gegn íslenzku ritmáli voru til skammar.

.

Hér koma nokkur fleiri orð sem eru rétt skrifuð með z:

- bezt, helzt, sízt, verzlun, hanzki, unz, (til) vanza, benzín, nízkur, hirzla, varzla, beizli, veizla, skozkur, þýzkur, hollenzkur, spotzkur, beizkur.

Auk þess:

- (getur) komizt, (hefur) sézt, (hefur) fæðzt, (hefur) setzt, (hefur) hitzt og næstum allar aðrar sagnir í miðmynd og lh.þt.

- (þið) hittuzt, (þið) komuzt og allar aðrar sagnir í miðmynd og 2.p.ft.

- (þú) gazt, (þú) skauzt og allar sterkar sagnir í þt. og 2.p.et.

.

Ég ætla að biðja ykkur að virða þessa stafsetningu, enda hefur z verið notuð í íslenzku í meira en 100 ár. Byrjað var að nota z löngu áður en byrjað vara að rita tvöfaldan samhljóða (t.d. í "kenndi") og löngu áður en bókstafsskrípið é tók við af je. Ég sá fyrir nokkrum árum bók sem var skrifuð af grunnskólakennurum fyrir 1. bekkinga þar sem því var haldið fram, að z hefði bara verið í íslenzku yfir stutt tímabil, sem er kjaftæði sbr. fyrrgreind atriði. Enda eru flestir grunnskólakennarar grunnhyggnir og illa að sér.

.

Ég starfa einnig sem málfræðilögga í frítímanum. Ég er að bíða eftir að fá atvinnutilboð á sorpblaðinu DV, þar sem blaðasnáparnir kunna ekki íslenzka málfræði, svo að ég geti leiðbeint þeim þegar þeir eru að skálda fréttirnar.

[Riddarinn , 20.12.2013 kl. 09:28]

Þorsteinn sem náði ekki að sjóða á limruna seinni partinn..

 Valdstjórnin í vígahug

Voðalega gaman.

Þorstein vantar seinni part

sjóðum hann nú saman.

[Riddarinn , 20.12.2013 kl. 09:33]

Mikið þakklæti til málfars lögreglunnar hans Péturs að leggja á sig allt þetta ritmál sem fer inn um annað ....og út um hitt :)

[Riddarinn , 20.12.2013 kl. 10:04]

Gunnar þakka þér bjálfaleg afskipti þín af föðurhlutverki annara en það er þessu máli algerlega óviðkomandi og slegið undir beltisstað hjá þér.

Ég er ekki að skipta mér af þínu uppeldi ef þú átt einhver börn þar að segja.

Skrifaðu hérna um það sem við kemur málefninu á einn eða annan veg eða slepptu því bara að skrifa ef þú þarft að vera að blanda börnum fólks í eitthvað þar sem það kemur málinu ekki neitt við.

[Riddarinn , 20.12.2013 kl. 10:16]

Axel Jóhann Hallgrímsson, þú áætlar ýmislegt af skrifum fólks um hitt og þetta um fyrri líferni sem er allt jafn mikið út úr kortinu. En fyrst þú dæmir fólk í dilka og sérð lífsöguna af nokkrum línum þá er líklega í lagi að gera sér í hugarlund einhvað af þínum carakter af myndinni af þér sjálfum.

Af þessari mynd með þessi skelfilegu fornaldar gleraugu þá mætti halda að þú værir hinn versti skúrkur sem sætir inni í öryggisgæslu vegna svívirðinga og áreytni við gesti og gangandi. Líkist mjög Carlos þeim þekkta hryðjuverkamanni sem felldur var fyrir ára löngu.