Engin endurnýjun sem verður fyrr en verð á bílum lækka heilan helling

Það er kostulegt hvað alltaf er verið er að tala um að bílamarkaðurinn fari í gang en það gerist ekki almennilega fyrr en venjulegir heimilisbílar fást á mannlegu verði því þokkalegir venjulegir heimilisbílar eru á 5-7 milljónir bæði vegna þess okurverðs sem við verðum að borga fyrir erlendan gjaldeyri og þeirra ofurtolla og gjalda sem ríkið er svo duglegt við að murka úr landanum.

Mesti hluti þeirrar endurnýjunar sem hefur átt sér stað síðustu ár frá kreppu byrjun eru þegar bílaleigur eru að versla bíla fyrir ferðamannaiðnaðinn en ekki almenningur sem er að endurnýja sína bíla,svo eru þessar sölutölur talaðar upp til skýjanna og gefið í skin að almenningur sé að endurnýja flotann sinn sem er fjarri því sanna.

Ríkisstjórnin þarf að taka hausinn úr rassgatinu á sjálfri sér og fara að endurskoða þessa fáránlegu græðgi sína þegar að bílum og vörum þeim tengdum er komið,allt er ofurtollað upp í rjáfur og ekki fyrir almenning með þau sultarlaun sem eru í boði hérlendis að kaupa bíla á þessum okurverðum.

Að borga t.d 3 milljónir fyrir litlar ósköp venjulegar heimilisdollur í stíl við Yaris eða álíka smábíl er einfaldlega út úr kortinu fyrir almenning,þarf ekki snilling til að sjá það miðað við þau laun sem eru hérlendis sem varla duga til þess að halda lífinu í fólki dags daglega. 

Markaðurinn glæðist þegar minni óvissa er um bílalánin

Athugasemdir

[Guðmundur Ásgeirsson, 4.4.2013 kl. 22:43]

Ég keypti bíl fyrir 2,5 milljónir 2007, og fékk að gera samning um að staðgreiða 10% kaupverðsins en rest með afborgunum til 7 ára.

Útreikningar sýndu að mánaðarleg afborgun af þessum nýja bíl yrðu lægri en afborganir af samsvarandi notuðum bíl.

Ég hef núna borgað bílinn a.m.k. tvisvar en fjármögnunaraðilinn er samt búinn að koma að næturlagi og stela bílnum til baka fyrir löngu.

Sá sem fjármagnaði viðskiptin er farinn á hausinn, en með kennitöluflakki tók nýtt fyrirtæki við af honum.

Þetta nýja fyrirtæki heldur því fram að ég skuldi því ennþá margföld mánaðarlaun mín vegna þessara viðskipta.

Sendi mér samt voða fallega auglýsingu prentaða á glanspappír um að ég gæti núna fengið kostaboð: helmingsafslátt af kröfunni!

Það er eitt og hálft ár frá þjófnaðinum og bílnum hefur enn ekki verið skilað. Rukkunin er ennþá í heimabankanum.

Ég held að margt þurfi að laga áður en hægt verði að tala um einhvern markað fyrir bílaviðskipti hér á landi.

[Riddarinn , 6.4.2013 kl. 00:30]

Já það eru margir ennþá í stærðarinnar vandamálapökkum vegna þess að þeir eru svo ótrúlega frekir að vilja hafa skítsæmilega bíla til afnota sem bila ekki annan hvern dag en þeir fást víst ekki á þokkalegu verði heldur okur prísum eins og um gullvagna sé að ræða.Það er næstum vonlaust er fyrir meðal Jóninn sem þarf líka að leigja eða að borga af íbúð að eiga góðan bíl því afborganir af öllu eru í fáránlegum hlutföllum miðað við það sem eftir situr í launaumslögum og lífskilyrði hjá mörgum hérlendis eru orðin eins og í einhverjum ömurlegum fátækraríkjum.

Þetta er Ísland í dag !