Furðuleg og heimskuleg stefna í verðlagningu getnaðarvarna.

Hvernig í ósköpunum stendur á því að það eru okurgjöld til dæmis á smokkum á Íslandi þegar á sama tíma er verið að berast fyrir því að minnka ótímabæra óléttu og barneignir ásamt kynsjúkdómum sem geta stórskaðað fólk eða drepið eins og AIDS er besta dæmið um?

Af hverju er ekki reynt að takmarka vandamálin í byrjun í stað þess að þurfa að vera að eyða endalausri orku og peningum í afleiðingarnar sem koma til af því að ekki eru notaðar getnaðarvarnir vegna okur verðs á þeim og erfiðu aðgengi í stað þess að hafa sjálfsala um víðan völl svo auðvelt sé að nálgast þetta þegar þörf er á
.
Svo ég tali ekki um þær afleiðingar þegar unga fólkið er að eignast börn sjálft varla komið af barnsaldri. Þetta kostar óteljandi afleiðingum og breytingum viðkomandi til lífstíðar.
Margir flosna upp úr námi og ná ekki að framfleyta sér þannig að vel sé seinna meir og fá enga góða vinnu vegna menntunarleysis þar sem viðkomandi fór í barneignir í stað náms eða einhvers til að undirbúa framtíðina til þess að geta alið börn seinna meir vandræðalausara með betri grunn í byrjun.

Ég athugaði hvað smokkar kosta eftir að ég last þetta og 10 stykkja pakki kostaði ríflega 2200 krónur TAKK FYRIR ! Ég er viss um að sú fjárhæð stoppar fjölmargan manninn og hvað þýðir það stopp nema helling af ótímabærri óléttu og kynsjúkdómum,já hreinlega glás af vandamálum í stað fyrirhyggju í byrjun.

Stundum mætti halda að ráðamenn væru greindarskertir þegar kemur að svona atryðum, að vera að skattleggja smokka upp í rjáfur sem lúxus vöru er einfaldlega fáráðnlegt, ílla úthugsað í alla kanta því þetta er vara sem á að vera ókeypis ef eitthvað er, það myndi ekki vera mikil fjárhæð miðað við þau vandamál sem myndu sparast í endann séð.

Þeir sem setja þessar reglur eru eflaust orðnir gamlir og getulausir og stunda líklega ekki kynlíf og hugsa ekkert út í þessar reglur né vandamálin sem svona okur á jafn sjálfsagðir vöru er eða spá í það hvað það kostar þjóðfélagið.

Ódýrari getnaðarvarnir ofarlega í huga